Jæja gott fólk hér kem ég á ný. Ekki mikið bloggað þessa dagana. Ég hef verið að vinna töluvert upp á síðkastið og hef því ekki haft mikinn tíma í tölvunni. Verslunarmannahelgin var virkilega fín og veðrið frábært. Við fórum í Mosfellsdalinn á laugardeginum og kíktum á víðfrægan grænmetismarkað. Mælum eindregið með þessu en nauðsynlegt er að hafa seðla með og þá marga.
Beint á móti markaðnum búa svo fyrrum nágrannar okkar úr Breiðholtinu þau Helgi og Ólöf ásamt börnum sínum Hörpu og Agli. Alexander ætlaði nú eitt sinn að kvænast Hörpu, en hvað hann vill gera í dag er ekki á hreinu. Húsið er alveg frábært. Þetta er timburhús á tveimur hæðum og lóðin með er ekki nema 1 hektari. Á lóðinni eru svo 120 Aspir í fallegum röðum. Við Sólrún eiginlega dauðöfundum þau af þessu öllu saman. Þetta er algjör draumur og svo er maður ekki nema ca. 20 mínútur í bæinn ef þörf krefur.
Á sunnudag fórum við í Húsdýragarðinn og Dísa og Alexander fengu að fara í "Fallturninn" og lestina. Svo fengum við okkur líka nesti. Hreint út sagt meiriháttar í frábæru veðri. Ég held að við getum verið sammála um það að veðrið hefur verið gott í sumar og tengjum við það bara við brottför Helga Þórs, Il Doctore.
Á mánudag fengum við svo Mumma í heimsókn til okkar í Sardiníu. Hann fékk veigar og erum við hjónin ósátt við að hann hafi ekki klárað kókosbolluréttinn. Nú liggur á okkur sú kvöð að klára hann sjálf og er það miður en ekki má henda.
Vinnan í Eimskip er virkilega fín og eru margar skemmtilegar persónur þar. Ég kannski hripa eitthvað um það síðar. Mórallinn er verulega fínn og enginn með neina "stæla".
Í hinni vinnunni var frekar mikið að gera af því að fram kom tölvuveira sem var að dreifast víða um verslunarmannahelgina. Ekki er þetta skaðleg veira en gaf okkur smá vísbendingu um það hvað gæti komið. Enn og aftur bendi ég fólki á að smella "meðvitað" á viðhengið. Oftast eru nú þessar veirusendingar nokkuð "obvious". Mig brestur stundum íslenskan.
Þessa dagana er ég að taka upp aftur og hlusta á snillinginn Megas. Þessi gutti er frábær og spannar öll þrep. "Gulir eru straumar þínir hland mitt í skálinni". Piss hefur aldrei jafn göfugan stall fengið í listinni.
Tíminn flýgur áfram og hann teymir mig á eftir sér
og ekki fæ ég miklu ráðið um það hver hann fer.
En ég vona bara að hann hugsi svolítið hlýlega til mín
og leiði mig á endanum aftur til þín.
Jæja ég hripa meira síðar. bless.
Beint á móti markaðnum búa svo fyrrum nágrannar okkar úr Breiðholtinu þau Helgi og Ólöf ásamt börnum sínum Hörpu og Agli. Alexander ætlaði nú eitt sinn að kvænast Hörpu, en hvað hann vill gera í dag er ekki á hreinu. Húsið er alveg frábært. Þetta er timburhús á tveimur hæðum og lóðin með er ekki nema 1 hektari. Á lóðinni eru svo 120 Aspir í fallegum röðum. Við Sólrún eiginlega dauðöfundum þau af þessu öllu saman. Þetta er algjör draumur og svo er maður ekki nema ca. 20 mínútur í bæinn ef þörf krefur.
Á sunnudag fórum við í Húsdýragarðinn og Dísa og Alexander fengu að fara í "Fallturninn" og lestina. Svo fengum við okkur líka nesti. Hreint út sagt meiriháttar í frábæru veðri. Ég held að við getum verið sammála um það að veðrið hefur verið gott í sumar og tengjum við það bara við brottför Helga Þórs, Il Doctore.
Á mánudag fengum við svo Mumma í heimsókn til okkar í Sardiníu. Hann fékk veigar og erum við hjónin ósátt við að hann hafi ekki klárað kókosbolluréttinn. Nú liggur á okkur sú kvöð að klára hann sjálf og er það miður en ekki má henda.
Vinnan í Eimskip er virkilega fín og eru margar skemmtilegar persónur þar. Ég kannski hripa eitthvað um það síðar. Mórallinn er verulega fínn og enginn með neina "stæla".
Í hinni vinnunni var frekar mikið að gera af því að fram kom tölvuveira sem var að dreifast víða um verslunarmannahelgina. Ekki er þetta skaðleg veira en gaf okkur smá vísbendingu um það hvað gæti komið. Enn og aftur bendi ég fólki á að smella "meðvitað" á viðhengið. Oftast eru nú þessar veirusendingar nokkuð "obvious". Mig brestur stundum íslenskan.
Þessa dagana er ég að taka upp aftur og hlusta á snillinginn Megas. Þessi gutti er frábær og spannar öll þrep. "Gulir eru straumar þínir hland mitt í skálinni". Piss hefur aldrei jafn göfugan stall fengið í listinni.
Tíminn flýgur áfram og hann teymir mig á eftir sér
og ekki fæ ég miklu ráðið um það hver hann fer.
En ég vona bara að hann hugsi svolítið hlýlega til mín
og leiði mig á endanum aftur til þín.
Jæja ég hripa meira síðar. bless.
Ummæli